Энэ талаар хүмүүс маш их асуудаг (Уг нь загвараа илүү хялбар удирдах боломжтой, бас олон илүү гоё загварууд хийх гэж бодож байгаа ч цаг зав, зарим нэг зүйл дээр мэдлэг дутаад чадахгүй л байна...) болохоор одоогийн загвараа хэрхэн өөрчлөх талаар багахан зөвлөгөө оруулъя гэж бодлоо.
Одоогийн блогмны маань загвар нь бүрэн HTML загвар байдаг. Энэ нь хэрвээ HTML хэл мэдэж л байвал хүн өөрийнхөө загварыг хүссэнээрээ өөрчилж өөрийн сайтыг хийх боломжтой гэсэн үг юм. HTML хэл нь вебийг харуулахад зориулсан програмчлалын хэл бөгөөд бас жаахан хичээгээд толгойгоо ажиллуулчихвал тийм хэцүү ч зүйл биш. Нэг сурчихвал өөрөө сонирхоод цаашаа явчихдаг гоё зүйл бий

HTML хэлний талаар:

• Ерөнхий ойлголт: http://dusal.blogmn.net/13700/html-helnii-tuhai.html

За тэгээд HTML хэл мэддэг болчихсон бол сайтын загварын талаарх жаахан мэдэх хэрэгтэй. Сайтын загвар маань бас <%Code%> гэсэн хэлбэртэй хувьсагч болон зарим загварын тусгай тагуудтай байгаа. Энэ талаар болон таг, хувьсагчдын талаар тусламжийг нэвтэрч ороод баруун дээд буланд буй ? Тусламж холбоос дээр дарж ороод Загвар болон Хувьсагчид хэсгээс авах боломжтой.

Ер нь бол хуучин одоо байгаа загваруудаас жишээ загвар сонгон аваад түүнийгээ ерөнхийд нь харж юм уу тэр загвар дээрээ засвар хийгээд өөрчилж бас болдог. Эсвэл бүүр шинэ HTML загвар хөрвүүлээд загвар хийж болно. Доор жишээ болгон нэг HTML загварыг хөрвүүлж бичлэг хийлээ. Бүрэн биш ч гэсэн доорх видеог үзээд оролдвол болох байх аа. Хөрвүүлж дууссан загварыг жишээ болгон оруулсан. Та сонирхвол энд дарж үзэж болно. Загварыг ашиглахыг хүсвэл манай загварын санд нэмж орсон байгаа.

Мөн загварын талаар сайтын нүүр хуудасны хөлд буй Самбар холбоосоор орж ярилцаж болно.

Видео зааврыг энд дарж үзээрэй.

Хэрэв сайн ойлгохгүй бол доорхыг татаж аваад судлаарай:

• HTML хэлний талаар PDF хичээл: http://dusal.blogmn.net/15124/html-bolon-php-hicheel-mongol-hel-deer.html