Бичлэг тандагч
Шинэ жилийн мэндийг айлтгая
Залхуу гахай замдаа гарч
Завгүй хулгана айлчлан ирлээ
Ирж буй шинэ жилдээ
Элгээрээ энх амгалан
Төрлөөрөө төвшин амгалан байж
Бодол тань цэлмэг
Блог тань амжилттай
Үг тань мэргэн
Үзэг тань хурц
Олондоо хүндтэй
Орчиндоо нөлөөтэй
Сайн үйлс бүхэн чинь дэлгэрч
Саар бүхэн холуур тойрч
Сэтгэл тэнэгэр
Итгэл дүүрэн
Хараа дээгүүр
Халаас дүүрэн
Нүүрэндээ инээмсгэлэл дүүрэн
Нөхөддөө бахархал дүүрэн
Ихийг бүтээж
Олныг амжуулж
Хүссэн сайхан бүхэндээ хүрч
Хүлээсэн хүн бүхэнтэйгээ уулзаж
Баяраар бялхаж
Бараагаар дутахгүй байхын ерөөлийг дэвшүүлье!
Монгол маань хөгжиж
Мод, алтаа машинаар солихгүй
Монгол сэтгэл мөнгөнөөс давж
Модель, миссээр нүүрээ хийхгүй
Гүзээтэй хүн нь цөөрч
Гүйдэг хүн нь олширч
Ярьдаг нь хийдэг болж
Ямбий бүхэн нь засагдан гялалзаж
Тэнгэр нь цэнхэрээрээ
Тал нь цэлгэрээрээ
Ус нь тунгалаг
Нутаг нь онгоноороо
Агаар нь цэнгэг
Амьтад нь жаргалтай байх болтугай!
Сар шинэдээ сайхан шинэлээрэй!
Сэтгэгдэл бичих
Сэтгэгдэл:
Orgii
хэзээ бичсэн: 14:02,
2008-02-14 | Холбоос |
|
